
Yangiliklar
Konstitutsiya — erkin va farovon jamiyat poydevori!

2023-yil 30-aprel kuni umumxalq referendumida xalqimiz yuksak siyosiy ong, huquqiy madaniyat va dunyoqarashni namoyon etib, O'zbekiston Respublikasi Konstitutsiyasining yangi tahririni qabul qildi. Bu davlatchiligimizning ijtimoiy-siyosiy, ijtimoiy-iqtisodiy va sud-huquq sohalarida barqaror rivojlanishi uchun mustahkam poydevor yaratdi.
Konstitutsiyaning yangi tahririga 27 ta yangi modda kiritilib, moddalar soni 128 tadan 155 taga, normalar soni esa 434 taga yetdi. Ta'kidlash joizki, Konstitutsiya qariyb 65 foizga yangilandi.
Bu yil mamlakatimizda O'zbekiston Respublikasi Konstitutsiyasi kuni “Konstitutsiya — erkin va farovon hayot kafolati!” bosh g'oyasi ostida keng nishonlanmoqda. Prezident Shavkat Mirziyoyevning 2024-yil 17-oktabrdagi “O'zbekiston Respublikasi Konstitutsiyasi kunini tayyorlash va o'tkazish to'g'risida”gi farmoyishi bilan tasdiqlangan dastur doirasida bir qator tashkiliy-amaliy, ma'naviy-ma'rifiy va huquqiy tadbirlar o'tkazilmoqda.
Shu munosabat bilan “Yashil Energiya” MChJ ham “Konstitutsiya — erkin va farovon hayot kafolati!” mavzusida seminar tashkil etdi. Tadbirda kompaniyaning bosh yuriskonsulti Razzoq Jabborov xodimlarga Konstitutsiyamizga kiritilgan so'nggi o'zgarishlar hamda kompaniya faoliyati boshqa tashkilotlar kabi qonun bilan qanday himoya qilinishi haqida so'zlab berdi. Shuningdek, sohamizda kelgusida yuzaga kelishi mumkin bo'lgan muammolarning huquqiy yechimlari ham muhokama qilindi.
Trend
Ommabop yangiliklar

ENERGETIKA SOHASI INVESTORLAR KENGASHI: YASHIL QUVVATLAR — 11,1 GVT
16-oktabr kuni Toshkentda Prezident Shavkat Mirziyoyev yoqilg‘i-energetika tarmog‘idagi investorlar bilan ochiq muloqot o‘tkazdi. Tadbir Energetika sohasi investorlar kengashining ilk yig‘ilishi bo‘ldi. Ushbu kengashda Yashil Energiya kompaniyasi hamkori GSU ya’ni Global South Utilities kompaniyasi vakillari ham ishtirok etdi.

🌍 YASHIL ENERGIYA — JAHON ENERGETIKASIDAGI ENG MUHIM YANGILIKLAR DAYJESTI
Yashil Energiya jahon energetikasidagi eng muhim voqealar sharhini tayyorladi. Dayjest energiya saqlash tizimlari, quyosh energetikasi, elektr tarmoqlari, elektr transporti, gidroenergetika va energiya samaradorligini qamrab oladi.

21-oktabr — O‘zbek tili bayrami kuni
Har bir xalqning tili — uning tarixi, milliy o‘zligi va kelajagini o‘zida mujassam etgan bebaho qadriyatdir. Til xalqning madaniyati, ma’naviy merosi va avlodlar o‘rtasidagi uzviylikni saqlashda muhim o‘rin tutadi.

O'zbekiston qayta tiklanuvchi energetika va energiya to'plash quvvatlarini kengaytiradi
2026-yil 22-sentabr kuni O'zbekiston Respublikasi Prezidenti Shavkat Mirziyoyev mamlakat elektr energetikasini o'rta va uzoq muddatli rivojlantirish rejalari hamda yoqilg'i-energetika sohasida loyihalarni boshqarish mexanizmlarini takomillashtirish bo'yicha takliflar bilan tanishdi.

Quyosh energetikasi jadal sur’at olmoqda: dunyodagi yangi texnologiyalar va Yashil Energiya kompaniyasining O‘zbekistondagi hissasi
Quyosh fotoelektr energetikasi butun dunyoda faol rivojlanishda davom etmoqda. So‘nggi kunlarda bir qator davlatlar quyosh fotoelektr energetikasi sohasidagi yangi loyihalar, texnologik yechimlar va investitsiyalar haqida e’lon qildi.

🌱 QAYTA TIKLANUVÇI ENERGIYANING JAHON IQTISODIYOTI RIVOJIGA QÖŞAYOTGAN HISSASI
🌍 Dunyoning TOP-10 davlati tajribasi: 10 kun — 10 davlat — 10 tahliliy maqola Bugungi kunda qayta tiklanuvçi energiya manbalari jahon iqtisodiyotining muhim rivojlaniş omillaridan biriga aylanmoqda. Quyoş, şamol, gidroenergetika va boşqa ekologik toza energiya manbalari sanoat, qişloq xöjaligi, işlab çiqariş, tadbirkorlik va aholi farovonligini oşirişda tobora katta ahamiyat kasb etmoqda.
