Quyosh fotoelektr stansiyalari

Bosh sahifa | Quyosh fotoelektr stansiyalari

300+Yiliga quyoshli kunlar

O'zbekiston iqlimi quyosh energetikasini rivojlantirish uchun yuqori salohiyat yaratadi.

3QFES turlari

Turli ekspluatatsiya holatlari uchun on-grid, off-grid va hybrid yechimlar.

2023Investitsiya faoliyati boshlangan yil

Yashil Energiya 2023-yildan buyon ijtimoiy va davlat obyektlaridagi quyosh fotoelektr stansiyalariga investitsiya kiritib kelmoqda.

2 179Portfeldagi QFES

Yashil Energiya portfeliga tegishli quyosh fotoelektr stansiyalarining joriy soni.

Energiya samaradorligi

Quyosh energetikasining afzalliklari

Quyosh fotoelektr stansiyalari toza elektr energiyasi, xarajatlarni kamaytirish va barqaror jamoat infratuzilmasini rivojlantirishga xizmat qiladi.

Ekologik toza

Quyosh generatsiyasi toza elektr energiyasini ishlab chiqarishga va atrof-muhitga ta'sirni kamaytirishga yordam beradi.

Qazib olinadigan yoqilg'iga qaramlikni kamaytiradi

Qayta tiklanuvchi generatsiya energiya manbalarini diversifikatsiya qiladi va neft hamda gazga qaramlikni pasaytiradi.

Elektr energiyasi xarajatlarini kamaytiradi

Mahalliy quyosh generatsiyasi obyektlar uchun uzoq muddatli iqtisodiy samaradorlikni oshiradi.

Energiya samaradorligini oshiradi

Zamonaviy quyosh infratuzilmasi energiyadan oqilona va barqaror foydalanishni qo'llab-quvvatlaydi.

O'zbekistonning quyosh salohiyati

300 dan ortiq quyoshli kun strategik ustunlik yaratadi

O'zbekistonda yiliga 300 dan ortiq quyoshli kun mavjud bo'lib, quyosh energetikasi energiya samaradorligi va barqaror rivojlanishning eng istiqbolli yo'nalishlaridan biridir.

QFES turlari

Turli ekspluatatsiya modellariga mos quyosh tizimlari

On-grid, off-grid va hybrid tizimlari har bir obyektning texnik sharoitiga mos quyosh infratuzilmasini tanlash imkonini beradi.

Tarmoqqa ulangan

On-grid tizim

Elektr tarmog'iga ulangan tizim. Avvalo quyosh stansiyasi ishlab chiqargan elektr energiyasi ishlatiladi, tarmoqda uzilish bo'lsa tizim ham ishlashni to'xtatadi.

Barqaror elektr tarmog'i mavjud obyektlar uchun

Avtonom quyosh fotoelektr stansiyasi sxemasi

Akkumulyatorli saqlash

Off-grid tizim

Elektr tarmog'iga ulanmagan avtonom tizim. Energiya akkumulyatorlarda saqlanadi va bu yechim uzoq hududlar uchun qulay hisoblanadi.

Uzoq hududlar va avtonom ta'minot uchun

Gibrid quyosh fotoelektr stansiyasi abstrakt sxemasi

Tarmoq + saqlash

Hybrid tizim

Tarmoq ulanishi va akkumulyatorli energiya to'plash tizimini birlashtirgan gibrid yechim bo'lib, yuqori moslashuvchanlik va ishonchlilikni ta'minlaydi.

Moslashuvchan va ishonchli ekspluatatsiya uchun

Joriy QFES holati

O'zbekiston bo'ylab quyosh infratuzilmasi rivojlanmoqda

“Yashil Energiya” QK MChJ 2023-yildan buyon O'zbekiston Respublikasi hududidagi ijtimoiy va davlat obyektlarida quyosh fotoelektr stansiyalariga investitsiya kiritib kelmoqda. Ushbu bo'lim kompaniyaning quyosh infratuzilmasi va operatsion yo'nalishi rivojlanishini aks ettiradi.

Operatsion yo'nalishIjtimoiy va davlat obyektlari uchun quyosh infratuzilmasi

131 051,18 kVt2025-yilda kuzatilgan umumiy quvvat

2023Investitsiya faoliyati boshlangan yil

Yillar bo'yicha quvvat o'sishi

QFES geografiyasi

Quyosh fotoelektr stansiyasi narxi: Yashil Energiya bilan bu qanday ishlaydi

Yashil Energiya bilan ishlaganda siz quyosh fotoelektr stansiyasini sotib olmaysiz. Stansiyani loyihalash, uskunalarni xarid qilish, qurish va o'rnatish xarajatlarini kompaniya to'liq o'z zimmasiga oladi. Shu sababli sizdan boshlang'ich sarmoya, oldindan to'lov yoki kredit talab qilinmaydi.

Siz faqat stansiya ishlab chiqargan va obyektingiz haqiqatda foydalangan elektr energiyasi uchun to'laysiz. Bir kilovatt-soatning narxi tarmoq tarifidan arzon bo'ladi va shartnomada tarifga bog'lab belgilanadi. Davlat tarifi o'zgarsa, shartnomadagi narx ham avtomatik qayta hisoblanadi — shartnomani qayta imzolash shart emas. Shuning uchun tarif oshgan sari tarmoq elektri bilan quyosh elektri o'rtasidagi farq so'mda kattalashib boradi.

Hisob-kitob hisoblagichning haqiqiy ko'rsatkichi asosida olib boriladi. Har bir stansiya ASKUE — elektr energiyasini avtomatlashtirilgan tijorat hisobi tizimiga ulanadi: ko'rsatkichlar avtomatik uzatiladi, taxminiy hisob bo'lmaydi.

Tejash hajmi nimaga bog'liq? Birinchidan, stansiya quvvatiga — u tom yoki maydonning hajmiga qarab belgilanadi. Ikkinchidan, obyektning elektr iste'moliga: kunduzi qancha ko'p energiya sarflansa, stansiya shuncha katta ulushni qoplaydi. Uchinchidan, joylashuv, tomning qiyaligi va soya tushishiga — bular yillik ishlab chiqarishga ta'sir qiladi.

Obyektingiz uchun aniq hisob-kitobni mutaxassislarimiz bepul tayyorlab beradi. Saytdagi kalkulyatordan boshlang yoki ariza qoldiring.

Ish tartibi: arizadan ishlab turgan stansiyagacha

Stansiyani o'rnatish bir necha bosqichdan iborat va har bir bosqichni Yashil Energiya mutaxassislari olib boradi.

1Ariza. Saytdagi forma orqali yoki telefon qilib murojaat qoldirasiz. Obyekt manzili va oylik elektr iste'moli haqida qisqacha ma'lumot bersangiz, ish tezroq boshlanadi.
2Obyektni ko'rish. Mutaxassislarimiz obyektga chiqib, tom yoki maydon holatini, uning hajmini, soya tushishini va elektr tarmog'iga ulanish imkoniyatini o'rganadi.
3Hisob-kitob va taklif. Olingan ma'lumotlar asosida stansiya quvvati va siz uchun tejash hisoblanadi. Hisob-kitob bepul.
4Shartnoma. Tomonlar elektr energiyasini sotib olish shartnomasini (PPA) imzolaydi. Unda narx, hisob-kitob tartibi va xizmat ko'rsatish shartlari belgilanadi. Davlat tashkilotlari bilan shartnomalar qonunchilikda belgilangan tartibda — g'aznachilikda ro'yxatdan o'tkazish va davlat xaridlari tartib-taomillari orqali rasmiylashtiriladi.
5Loyihalash va ruxsatnomalar. Kompaniya loyihani ishlab chiqadi, texnik shartlarni oladi va zarur kelishuvlarni rasmiylashtiradi.
6Qurilish va montaj. Panellar, invertorlar va hisob tizimi o'rnatiladi. Barcha ishlar kompaniya hisobidan bajariladi.
7Ishga tushirish. Stansiya obyektning elektr tizimiga ulanadi va ASKUE orqali onlayn nazoratga olinadi.
8Yigirma yillik xizmat. Shartnoma davomida panellarni tozalash, texnik ko'rik, zarur bo'lsa uskunalarni almashtirish va onlayn monitoring kompaniya zimmasida bo'ladi.

Loyiha muddatlari obyektning xususiyatlari va ruxsatnomalarni olish tartibiga bog'liq, shuning uchun ular har bir obyekt uchun alohida belgilanadi.

Nega Yashil Energiya

Sarmoyasiz. Stansiya kompaniya hisobidan quriladi. Sizda uskuna va montaj uchun xarajat bo'lmaydi — faqat kamaygan elektr hisobi qoladi.

Tarmoq tarifidan arzon. Shartnomadagi narx davlat tarifidan past va unga bog'langan, shuning uchun tarif oshganda ham foyda saqlanib qoladi.

Faqat haqiqiy iste'mol uchun to'lov. Hisob-kitob taqdimotdagi va'dalar bo'yicha emas, hisoblagich ko'rsatkichi bo'yicha olib boriladi.

Yigirma yillik xizmat. Panellarni tozalash, texnik ko'rik va uskunalarni almashtirish butun shartnoma davomida kompaniya zimmasida, alohida to'lovsiz.

ASKUE orqali onlayn nazorat. Har bir stansiyaning ishi nazorat xonasida real vaqtda ko'rinib turadi. Biror nosozlik bo'lsa, buni darhol bilamiz.

Montajdan keyin ketib qolmaymiz. Kompaniya faqat stansiya ishlab chiqargan energiyadan daromad ko'radi, shuning uchun stansiyaning har kuni to'liq quvvatda ishlashi avvalo bizga kerak.

Xalqaro tajriba. Yashil Energiya — BAAning Global South Utilities (GSU) kompaniyasi ishtirokidagi qo'shma korxona. GSU rivojlanayotgan bozorlarda yirik quyosh energetikasi loyihalarini amalga oshiradi.

Yashil Energiya stansiyalari qayerlarda ishlayapti

Yashil Energiya stansiyalari bugun O'zbekistonning turli hududlarida — ijtimoiy obyektlarda, davlat muassasalarida va korxonalarda ishlab turibdi. Masalan, Toshkentdagi ijtimoiy soha obyektlaridan birining tomida quvvati 400 kVt bo'lgan stansiya ishlayapti: uni kompaniya o'z hisobidan qurgan, obyektning o'zi esa buning uchun bir so'm ham sarflamagan.

Amalga oshirilgan barcha obyektlar bilan saytning obyektlar bo'limida tanishishingiz mumkin.

Ko'p beriladigan savollar

Stansiya kimga tegishli bo'ladi?

Shartnoma davomida stansiya Yashil Energiya mulki hisoblanadi. Shuning uchun uni qurish, ta'mirlash va unga xizmat ko'rsatish ham kompaniya zimmasida.

Oldindan biror narsa to'lashim kerakmi?

Yo'q. Siz uskunaga ham, montajga ham mablag' sarflamaysiz. Oldindan to'lov va kredit talab qilinmaydi.

Aynan nima uchun to'layman?

Faqat stansiya ishlab chiqargan va obyektingiz haqiqatda foydalangan elektr energiyasi uchun. Narx tarmoq tarifidan arzon, hisob-kitob hisoblagich ko'rsatkichi bo'yicha olib boriladi.

Kechasi va bulutli kunlarda-chi?

Stansiya kunduzi, quyosh nuri bor paytda energiya ishlab chiqaradi. Kechasi obyekt avvalgidek tarmoqdan elektr oladi. Shuning uchun stansiya avvalo iste'molning kunduzgi qismini qoplaydi.

Panellarni kim tozalaydi va ta'mirlaydi?

Kompaniya. Shartnomaning yigirma yili davomida panellarni tozalash, texnik ko'rik, uskunalarni almashtirish va onlayn monitoring Yashil Energiya zimmasida. Buning uchun alohida to'lov yo'q.

Qancha tejay olaman?

Bu stansiya quvvatiga va obyektingiz kunduzi qancha energiya sarflashiga bog'liq. Mutaxassislarimiz obyektingiz uchun bepul hisob-kitob tayyorlab beradi.

Kimlar ariza qoldirishi mumkin?

Yashil Energiya yuridik shaxslar bilan ishlaydi: korxonalar, savdo obyektlari, fermer xo'jaliklari, shuningdek davlat va ijtimoiy muassasalar — maktablar, kollejlar, shifoxonalar.

Tarif oshsa nima bo'ladi?

Shartnomadagi narx tarifga bog'langan va avtomatik qayta hisoblanadi. U baribir tarmoq tarifidan arzonligicha qoladi, tarif oshgan sari esa so'mdagi farq kattalashadi.

Stansiya quvvatini hisoblash

Toza energiyaga o'tish

Jamoat infratuzilmasini toza energiya bilan ta'minlaymiz

Yashil Energiya uzoq muddatli energiya samaradorligi, barqarorlik va ishonchli ekspluatatsiyani qo'llab-quvvatlovchi quyosh infratuzilmasini rivojlantiradi.

Bog'lanish Bepul hisoblab ko'rish