Yana oltita oliy ta'lim muassasasida quyosh fotoelektr stansiyalari o'rnatildi!

O'zbekiston Respublikasi Prezidentining PQ-57-son “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to'g'risida”gi qarorining 6-bandiga muvofiq, ijtimoiy soha muassasalari, davlat organlari va boshqa tashkilotlarning bino va inshootlarida kichik quvvatli qayta tiklanuvchi energiya tizimlarini o'rnatish maqsadida “Yashil Energiya” MChJ tashkil etildi.

Bugungi kunga qadar mamlakat bo'ylab ijtimoiy obyektlar va davlat binolarida umumiy quvvati 10 MVt bo'lgan quyosh fotoelektr stansiyalari o'rnatildi, jumladan:

• Toshkent shahri – 2 MVt
• Andijon viloyati – 0,75 MVt
• Farg'ona viloyati – 0,6 MVt
• Toshkent viloyati – 0,85 MVt
• Surxondaryo viloyati – 0,55 MVt
• Qashqadaryo viloyati – 0,6 MVt
• Jizzax viloyati – 0,65 MVt
• Samarqand viloyati – 0,7 MVt
• Sirdaryo viloyati – 0,65 MVt
• Qoraqalpog'iston Respublikasi – 0,5 MVt
• Buxoro viloyati – 0,5 MVt
• Navoiy viloyati – 0,5 MVt
• Namangan viloyati – 0,65 MVt
• Xorazm viloyati – 0,5 MVt

Bundan tashqari, Hukumat topshirig'iga ko'ra mamlakatdagi oltita oliy ta'lim muassasasida umumiy quvvati 2,86 MVt bo'lgan quyosh fotoelektr stansiyalari o'rnatildi, 321 ta professional ta'lim muassasasida esa 8,8 MVt quvvatli quyosh panellarini o'rnatish ishlari olib borilmoqda.

Kompaniyaning ushbu keng ko'lamli ishlari energetika tizimining ishonchliligini oshirish va atrof-muhitga salbiy ta'sir ko'rsatuvchi zararli moddalar chiqindilarini kamaytirishga xizmat qiladi.

Quyosh panellarini o'rnatishning asosiy maqsadlari:

• qayta tiklanuvchi energiya manbalaridan foydalanishni kengaytirish,
• iste'molchilarni muqobil energiyaga o'tkazish,
• energiya tejovchi texnologiyalarni joriy etish,
• tabiiy gazni tejash va qish mavsumida uzluksiz energiya ta'minotini ta'minlash.