Yangiliklar
Abu-Dabida ta'lim va yashil energetika sohasida hamkorlik memorandumi imzolandi
Birlashgan Arab Amirliklarining Abu-Dabi shahrida bo'lib o'tayotgan Abu Dhabi Sustainability Week doirasida muhim xalqaro hamkorlik yo'lga qo'yildi. Toshkent davlat texnika universiteti, GSU va “Yashil Energiya” o'rtasida Hamkorlik memorandumi imzolandi.
Memorandumdan maqsad — ta'lim va ishlab chiqarish integratsiyasini mustahkamlash, qayta tiklanuvchi energetika sohasida yuqori malakali mutaxassislar tayyorlash hamda ilmiy tadqiqotlar, innovatsiyalar va texnologik rivojlanishni qo'llab-quvvatlash.
Kelishuvga ko'ra, tomonlar quyidagi yo'nalishlarda hamkorlik qilishni rejalashtirmoqda:
- qayta tiklanuvchi energetika bo'yicha ta'lim dasturlarini ishlab chiqish;
- talabalar va yosh mutaxassislar uchun amaliyot va amaliy mashg'ulotlarni tashkil etish;
- professor-o'qituvchilar va soha ekspertlari ishtirokida qo'shma seminar va treninglar o'tkazish.
Ushbu hamkorlik nafaqat ta'lim sifatini oshirishga, balki O'zbekiston energetika sohasi uchun zamonaviy bilim va xalqaro tajribaga ega mutaxassislar tayyorlashga ham qaratilgan.
Trend
Ommabop yangiliklar
Yangi Toshkentda elektromobillarni tezkor quvvatlash stansiyasi ochildi
Yangi Toshkent hududida davlat xizmatchilari va keng jamoatchilik uchun elektromobillarni tezkor quvvatlash stansiyasi ochildi.
O'zbekistonda Markaziy Osiyoda o'z turidagi eng yirik yangi energetika obyektlari ishga tushirildi
O'zbekiston mustaqilligining 35 yilligi munosabati bilan mamlakat bo'ylab umumiy quvvati 2 423 MVt bo'lgan yangi energetika obyektlari foydalanishga topshirildi.
YTB “Yashil Energiya” bilan birgalikda O'zbekistonda yashil infratuzilmani rivojlantirishni qo'llab-quvvatlaydi
Yevroosiyo taraqqiyot banki (YTB) va “Yashil Energiya” QK MChJ qayta tiklanuvchi energetika sohasida hamkorlik qilish to'g'risida o'zaro anglashuv memorandumini imzoladi. Tomonlar O'zbekistonda taqsimlangan quyosh generatsiyasi, elektromobillarni quvvatlash infratuzilmasi va kichik gidroelektr stansiyalari loyihalarini birgalikda moliyalashtirish va amalga oshirishni rejalashtirmoqda.
“Yashil Energiya” MChJ Huawei kompaniyasidan invertorlar xarid qiladi
O'zbekiston Energetika vazirligida milliy qayta tiklanuvchi energiya loyihalari doirasida invertorlar yetkazib berish bo'yicha “Yashil Energiya” MChJ va Huawei kompaniyasi o'rtasida shartnoma imzolash marosimi bo'lib o'tdi.
O'zbekiston energetika sohasida Yevroosiyo taraqqiyot banki bilan hamkorlikni mustahkamlamoqda
2025-yil aprel oyida O'zbekiston Respublikasi Prezidenti mamlakatning Yevroosiyo taraqqiyot bankini (YTB) ta'sis etish to'g'risidagi bitimga qo'shilishi haqidagi qonunni imzoladi. Natijada O'zbekiston Bankning yettinchi a'zosiga aylandi. Ushbu hamkorlik doirasida yaqinda Toshkentda YTBning rasmiy vakolatxonasi ochildi. Bu o'zaro hamkorlikni chuqurlashtirish va qo'shma investitsiya loyihalarini amalga oshirish uchun yangi imkoniyatlar yaratadi.