Yangiliklar
GSU va Islom Karimov nomidagi Toshkent davlat texnika universiteti ta'lim va energetika sohasidagi hamkorlikni kengaytirmoqda
17-noyabr kuni xalqaro hamkorlik doirasida Global South Utilities (GSU) bosh ijrochi direktori va boshqaruvchi direktori Ali Alshimmari boshchiligidagi delegatsiya O'zbekiston Respublikasi Energetika vazirligi hamda “Yashil Energiya” QK MChJ vakillari bilan birgalikda Islom Karimov nomidagi Toshkent davlat texnika universitetiga (TDTU) tashrif buyurdi.
Uchrashuvda tomonlar qayta tiklanuvchi energetika loyihalarini milliy va xalqaro miqyosda rivojlantirish, ilg'or texnologiyalarni joriy etish hamda kadrlar tayyorlashni sohaning zamonaviy talablariga moslashtirish masalalarini atroflicha muhokama qildi. Shuningdek, energetika sohasida ta'lim, ilmiy va amaliy bazani mustahkamlash imkoniyatlari ko'rib chiqildi.
Delegatsiya universitetning yuksak ilmiy salohiyati, zamonaviy laboratoriya bazasi va yuqori malakali yosh mutaxassislarni tayyorlash borasidagi tajribasini yuqori baholadi.
Tashrif yakunida tomonlar qo'shma tashabbuslarni, jumladan, hamkorlikdagi loyihalar, talabalar va professor-o'qituvchilar uchun amaliyot dasturlarini amalga oshirish hamda qayta tiklanuvchi energetika sohasida innovatsion faoliyatni yo'lga qo'yishga kelishib oldi. Mustahkamlangan hamkorlik energetika sohasining rivojlanishiga xizmat qilishi va O'zbekistonda barqaror taraqqiyot uchun yangi imkoniyatlar ochishi kutilmoqda.
Trend
Ommabop yangiliklar
Yangi Toshkentda elektromobillarni tezkor quvvatlash stansiyasi ochildi
Yangi Toshkent hududida davlat xizmatchilari va keng jamoatchilik uchun elektromobillarni tezkor quvvatlash stansiyasi ochildi.
O'zbekistonda Markaziy Osiyoda o'z turidagi eng yirik yangi energetika obyektlari ishga tushirildi
O'zbekiston mustaqilligining 35 yilligi munosabati bilan mamlakat bo'ylab umumiy quvvati 2 423 MVt bo'lgan yangi energetika obyektlari foydalanishga topshirildi.
YTB “Yashil Energiya” bilan birgalikda O'zbekistonda yashil infratuzilmani rivojlantirishni qo'llab-quvvatlaydi
Yevroosiyo taraqqiyot banki (YTB) va “Yashil Energiya” QK MChJ qayta tiklanuvchi energetika sohasida hamkorlik qilish to'g'risida o'zaro anglashuv memorandumini imzoladi. Tomonlar O'zbekistonda taqsimlangan quyosh generatsiyasi, elektromobillarni quvvatlash infratuzilmasi va kichik gidroelektr stansiyalari loyihalarini birgalikda moliyalashtirish va amalga oshirishni rejalashtirmoqda.
“Yashil Energiya” MChJ Huawei kompaniyasidan invertorlar xarid qiladi
O'zbekiston Energetika vazirligida milliy qayta tiklanuvchi energiya loyihalari doirasida invertorlar yetkazib berish bo'yicha “Yashil Energiya” MChJ va Huawei kompaniyasi o'rtasida shartnoma imzolash marosimi bo'lib o'tdi.
O'zbekiston energetika sohasida Yevroosiyo taraqqiyot banki bilan hamkorlikni mustahkamlamoqda
2025-yil aprel oyida O'zbekiston Respublikasi Prezidenti mamlakatning Yevroosiyo taraqqiyot bankini (YTB) ta'sis etish to'g'risidagi bitimga qo'shilishi haqidagi qonunni imzoladi. Natijada O'zbekiston Bankning yettinchi a'zosiga aylandi. Ushbu hamkorlik doirasida yaqinda Toshkentda YTBning rasmiy vakolatxonasi ochildi. Bu o'zaro hamkorlikni chuqurlashtirish va qo'shma investitsiya loyihalarini amalga oshirish uchun yangi imkoniyatlar yaratadi.