Yangiliklar
Andijonda 206 ta yangi investitsiya loyihasi ishga tushirildi va qurilishi boshlandi
Prezident Shavkat Mirziyoyev ishtirokida Andijon viloyatida umumiy qiymati 9,4 mlrd AQSh dollari bo'lgan 206 ta yangi investitsiya loyihasini ishga tushirish va qurilishini boshlash marosimi bo'lib o'tdi.
Ulardan qiymati 2,05 mlrd dollar bo'lgan 98 ta loyiha allaqachon foydalanishga topshirildi, qiymati 7,35 mlrd dollar bo'lgan yana 108 ta loyihaning qurilishi boshlandi. Loyihalar energetika, qurilish, to'qimachilik, mashinasozlik, ta'lim, turizm, logistika, farmatsevtika va sog'liqni saqlash sohalarini qamrab oladi.
Energetika sohasida loyihalar elektr energiyasini to'plash va taqsimlash tizimlari, quyosh panellari ishlab chiqarish, mikro GES uskunalari ishlab chiqarish, gidroelektr stansiyalari hamda chiqindilardan energiya olish obyektlarini o'z ichiga oladi.
Loyihalar amalga oshirilgach, 45 mingdan ortiq yangi ish o'rni yaratilishi, yiliga 60,6 trln so'mlik mahsulot ishlab chiqarilishi va 533 mln dollarlik eksport salohiyati shakllanishi kutilmoqda.
Trend
Ommabop yangiliklar
Yangi Toshkentda elektromobillarni tezkor quvvatlash stansiyasi ochildi
Yangi Toshkent hududida davlat xizmatchilari va keng jamoatchilik uchun elektromobillarni tezkor quvvatlash stansiyasi ochildi.
O'zbekistonda Markaziy Osiyoda o'z turidagi eng yirik yangi energetika obyektlari ishga tushirildi
O'zbekiston mustaqilligining 35 yilligi munosabati bilan mamlakat bo'ylab umumiy quvvati 2 423 MVt bo'lgan yangi energetika obyektlari foydalanishga topshirildi.
YTB “Yashil Energiya” bilan birgalikda O'zbekistonda yashil infratuzilmani rivojlantirishni qo'llab-quvvatlaydi
Yevroosiyo taraqqiyot banki (YTB) va “Yashil Energiya” QK MChJ qayta tiklanuvchi energetika sohasida hamkorlik qilish to'g'risida o'zaro anglashuv memorandumini imzoladi. Tomonlar O'zbekistonda taqsimlangan quyosh generatsiyasi, elektromobillarni quvvatlash infratuzilmasi va kichik gidroelektr stansiyalari loyihalarini birgalikda moliyalashtirish va amalga oshirishni rejalashtirmoqda.
“Yashil Energiya” MChJ Huawei kompaniyasidan invertorlar xarid qiladi
O'zbekiston Energetika vazirligida milliy qayta tiklanuvchi energiya loyihalari doirasida invertorlar yetkazib berish bo'yicha “Yashil Energiya” MChJ va Huawei kompaniyasi o'rtasida shartnoma imzolash marosimi bo'lib o'tdi.
O'zbekiston energetika sohasida Yevroosiyo taraqqiyot banki bilan hamkorlikni mustahkamlamoqda
2025-yil aprel oyida O'zbekiston Respublikasi Prezidenti mamlakatning Yevroosiyo taraqqiyot bankini (YTB) ta'sis etish to'g'risidagi bitimga qo'shilishi haqidagi qonunni imzoladi. Natijada O'zbekiston Bankning yettinchi a'zosiga aylandi. Ushbu hamkorlik doirasida yaqinda Toshkentda YTBning rasmiy vakolatxonasi ochildi. Bu o'zaro hamkorlikni chuqurlashtirish va qo'shma investitsiya loyihalarini amalga oshirish uchun yangi imkoniyatlar yaratadi.