Yangiliklar
«Ўзсувтаъминот» АЖ объектларида 25,6 МВт қувватли қуёш фотоэлектр станциялари ишга туширилди
«Ўзсувтаъминот» АЖ объектларида 25,6 МВт қувватли қуёш фотоэлектр станциялари ишга туширилди
Ўзбекистонда ижтимоий ва стратегик аҳамиятга эга объектларни қайта тикланувчи энергия манбалари билан таъминлаш, электр энергияси харажатларини камайтириш ҳамда энергия самарадорлигини ошириш бўйича ишлар изчил давом этмоқда.
Ўзбекистон Республикаси Президентининг 2023 йил 16-февральдаги ПҚ-57-сонли қарорига мувофиқ “Yashil Energiya” компанияси томонидан мамлакатимизда фаолият курсатаётган ташкилот ва массасаларга ўз хисобидан КФЭСлар ўрнатиб электр энергияси етказиб бериш бўйича жадал ишлар олиб бормоқда.
Лойиҳа доирасида «Ўзсувтаъминот» АЖ объектларида қарийб 36 МВт қувватли ҚФЭС ўрнатиш режалаштирилган. Бугунги кунга қадар 187 та объектда жами 25,6 МВт қувватли қуёш фотоэлектр станциялари ўрнатилди. Бу режалаштирилган умумий қувватнинг 71 фоиздан ортиғини ташкил этади.
Амалга оширилган ишлар Қорақалпоғистон Республикаси, Бухоро, Жиззах, Навоий, Қашқадарё, Сурхондарё ва Хоразм ҳудудларидаги сув таъминоти объектларини қамраб олган. Хусусан, насос станциялари, сув узатиш ва сув тақсимлаш иншоотлари ҳамда бошқа ишлаб чиқариш объектларида қуёш энергиясидан фойдаланиш йўлга қўйилган.
Бугунги кунга келиб мазкур ҚФЭСлар томонидан жами 16 051 минг кВт электр энергияси ишлаб чиқарилди ва бунинг натижасида ўртача 2 млрд. сўм дан зиёд маблағлар иқисод қилишга эришилди.
Қуёш фотоэлектр станцияларининг жорий этилиши сув таъминоти тизимида электр энергиясига бўлган эҳтиёжнинг муайян қисмини қайта тикланувчи манбалар ҳисобидан қоплаш, операцион харажатларни камайтириш ва объектларнинг энергия самарадорлигини ошириш имконини бермоқда.
Айниқса, сув таъминоти соҳасида насос ва сув узатиш ускуналари узлуксиз электр энергиясини талаб қилишини ҳисобга олганда, объектларни қуёш генерацияси билан таъминлаш иқтисодий самарадорлик билан бир қаторда энергия ресурсларидан оқилона фойдаланишга ҳам хизмат қилади.
“Yashil Energiya” «Ўзсувтаъминот» АЖ билан ҳамкорликда лойиҳанинг қолган босқичларини амалга ошириш ва режалаштирилган ҚФЭС қувватларини босқичма-босқич ишга тушириш ишларини давом эттиради.
“Yashil Energiya” компанияси барча ташкилот ва корхоналарни қуёш энергиясидан самарали фойдаланиш, электр энергияси харажатларини камайтириш ҳамда энергия самарадорлигини оширишга қаратилган ўзаро манфаатли ҳамкорликка таклиф этади. Биз билан ҳамкорлик қилинг — биргаликда Ўзбекистоннинг «яшил» иқтисодиётга ўтиши ва барқарор энергетик келажагига муносиб ҳисса қўшамиз!
Trend
Ommabop yangiliklar
22-dekabr — Energetika xodimlari kuni muborak bo'lsin!
“Yashil Energiya” kompaniyasi jamoasi energetika sohasining barcha mutaxassislarini 22-dekabr — Energetika xodimlari kuni bilan chin qalbdan tabriklaydi.
GSU “Yashil Energiya” MChJ loyihalarini rivojlantirishga 27 mln AQSh dollari sarmoya kiritadi
O'zbekistonda kichik quvvatli qayta tiklanuvchi energiya manbalari ulushini oshirish, olib borilayotgan ishlarni jadallashtirish va innovatsion yondashuvlarni joriy etish maqsadida BAAning kompaniyasi bilan kelishuvlarga erishildi.
YASHIL ENERGIYA — TECHNOVATION 2026 FORUMIDA
30-sentabr kuni Toshkentdagi JW Marriott mehmonxonasida Technovation xalqaro forumi bo'lib o'tdi. Unda davlat idoralari, xalqaro kompaniyalar, ilmiy va ekspert doiralari vakillari innovatsiyalar va investitsiyalar haqida fikr almashdi.
“Yashil Energiya” — kelajagingiz uchun energetik yechimlar
“Yashil Energiya” quyidagi xizmatlar bo'yicha murojaatlar uchun yangi aloqa raqami ishga tushirilganini mamnuniyat bilan e'lon qiladi
O'zbekistonda Markaziy Osiyoda o'z turidagi eng yirik yangi energetika obyektlari ishga tushirildi
O'zbekiston mustaqilligining 35 yilligi munosabati bilan mamlakat bo'ylab umumiy quvvati 2 423 MVt bo'lgan yangi energetika obyektlari foydalanishga topshirildi.
Saida Mirziyoyeva Abu-Dabida BAA Prezidenti bilan uchrashdi
O'zbekiston Respublikasi Prezidenti Administratsiyasi rahbari Saida Mirziyoyeva Abu-Dabida Birlashgan Arab Amirliklari Prezidenti Shayx Muhammad bin Zoid Ol Nahayon Aʼlo Hazratlari bilan uchrashdi.